თბილისში გაიმართება „Iveria International Book Festival“ — საერთაშორისო ლიტერატურული ფესტივალი, რომელიც პირველად აერთიანებს სხვადასხვა ქვეყნის წარმომადგენელ ავტორებს ერთ სივრცეში. ღონისძიებაში მონაწილეობას მიიღებს ქართველი პოეტი და მთარგმნელი, „IVERIA“-ს პრემიის ლაურეატი სოფია ბუკია.
ფესტივალის ფარგლებში წარმოდგენილი იქნება მისი წიგნი — „ვარდად დავიბადე“ (Nascerò Come Una Rosa), რომელიც ქართულ და იტალიურ ენებზე გამოიცა და ემიგრაციის გამოცდილებას, იდენტობის ძიებასა და ქალის შინაგან ტრანსფორმაციას ეძღვნება.
📚პრემია „Iveria“ წარმოადგენს საერთაშორისო ლიტერატურულ ჯილდოს, რომელიც გადაეცემათ ავტორებს კულტურული დიალოგისა და თანამედროვე ლიტერატურის განვითარებაში შეტანილი წვლილისთვის.
საერთაშორისო ფესტივალში მონაწილეობენ ავტორები შემდეგი ქვეყნებიდან: საქართველო, იტალია, პოლონეთი, რუმინეთი, უკრაინა, უნგრეთი, სომხეთი, თურქეთი და ინდოეთი. ღონისძიების გენერალური სპონსორია გრიგოლ რობაქიძის უნივერსიტეტი.
აღსანიშნავია, რომ „Iveria“-ს პრემია შეტანილია იტალიის ქალაქ მატერას კულტურულ ღონისძიებათა ოფიციალურ სიაში. შეგახსენებთ, რომ მატერა ევროპის კულტურის დედაქალაქის სტატუსს ატარებს, რაც ფესტივალს კიდევ უფრო მნიშვნელოვან საერთაშორისო პლატფორმად აქცევს.
ფესტივალი ჩატარდება თბილისში, დავით აღმაშენებლის ხეივნის 13-ე კილომეტრზე და დაიწყება 14:00 საათზე.
📌 მსგავსი კულტურული ინიციატივები მნიშვნელოვან როლს ასრულებს ქართული დიასპორის ინტეგრაციის პროცესში და აძლიერებს კულტურულ ხიდებს საქართველოსა და ევროპას შორის — რაც სრულად შეესაბამება იმ მისიას, რომელსაც AprioriTV ემსახურება ემიგრაციაში მცხოვრები ქართველებისთვის.
🌐 მეტი სიახლე ემიგრანტები
