სოციალური პენსია (დღეს ცნობილი როგორც სოციალური დახმარების შემწეობა) არის ფინანსური დახმარება, რომელსაც იტალიის სახელმწიფო გამოყოფს იმ პირებისთვის, ვინც ეკონომიკურ გაჭირვებაში იმყოფება და არ აქვს საკმარისი შემოსავალი საარსებოდ.
სოციალური პენსიის მიზანი
ამ დახმარების მიზანია უზრუნველყოს მინიმალური საარსებო შემოსავალი იმ პირებისთვის, ვისაც არ აქვს დაგროვილი საკმარისი საპენსიო შენატანები და, შესაბამისად, ვერ იღებს სიბერეში საპენსიო დახმარებას.
ვინ შეიძლება მოითხოვოს?
სოციალური პენსიის მიღებისთვის საჭიროა შემდეგი კრიტერიუმების დაკმაყოფილება:
ასაკი: მინიმუმ 67 წელი (2025 წლის მონაცემებით)
მოქალაქეობა და ბინადრობა: უნდა იყოს იტალიის მოქალაქე, ევროკავშირის მოქალაქე ან არაევროკავშირის მოქალაქე, რომელსაც აქვს ხანგრძლივი ბინადრობის ნებართვა და იტალიაში 10 წლის განმავლობაში უწყვეტად ცხოვრობს
შემოსავალი: პირის შემოსავალი უნდა იყოს დადგენილ ლიმიტზე ნაკლები, რომელსაც ყოველწლიურად განსაზღვრავს INPS
რამდენია დახმარების ოდენობა და რამდენ ხანს გაიცემა?
2025 წელს სოციალური პენსიის ოდენობა არის 538,69 ევრო თვეში, 13 თვის განმავლობაში
თუ ბენეფიციარს აქვს მცირე შემოსავალი, პენსია ნაწილობრივ უქვეითდება
სოციალური პენსია არ გადაეცემა მემკვიდრეებს ბენეფიციარის გარდაცვალების შემთხვევაში
დამატებითი ინფორმაციისთვის ან პირადი მდგომარეობის შესამოწმებლად შეგიძლიათ მიმართოთ INPS-ს ან პატრონატს.
