ევროკავშირი საზღვრების კონტროლის ახალ სისტემას ამზადებს
ევროკავშირის ქვეყნების შინაგან საქმეთა მინისტრებმა ბრიუსელში მიიღეს გადაწყვეტილება ახალი ციფრული სასაზღვრო სისტემის ამოქმედებაზე. ეს ნიშნავს, რომ ევროკავშირში მოკლევადიანი ვიზიტორებისთვის (ვინც ჩამოდის ტურისტულად ან საქმიანი ვიზიტით) საზღვრებზე კონტროლი უფრო ავტომატიზირებული გახდება.
რა შეიცვლება?
- საზღვრებზე პასპორტებში ბეჭდის დასმის ნაცვლად, შეიქმნება სპეციალური ელექტრონული რეესტრი.
- ვიზიტორებს ჩასვლისას დაუმუშავდებათ ბიომეტრიული მონაცემები – გადაუღებენ ფოტოს და დასკანირდება თითის ანაბეჭდები.
- ეს მონაცემები რეალურ დროში შეინახება და ქვეყნებს გაუადვილებს, აკონტროლონ, რამდენი ხანი რჩებიან ტურისტები და ხომ არ არღვევენ სავიზო წესებს.
როდის ამოქმედდება?
სისტემის ამოქმედება მიმდინარე წლის შემოდგომისთვის არის დაგეგმილი, თუმცა ზუსტი თარიღი ჯერ უცნობია. ქვეყნები თავად გადაწყვეტენ, ერთიანად დაიწყონ მისი გამოყენება თუ ეტაპობრივად, ექვსთვიანი გარდამავალი პერიოდის განმავლობაში.
ვის შეეხება?
- ევროკავშირის არაწევრ ქვეყნებიდან ჩასულ ტურისტებსა და საქმიანი ვიზიტორებს, რომლებიც მაქსიმუმ 90 დღით ჩადიან შენგენის ზონაში 180-დღიანი პერიოდის განმავლობაში.
- ყველა ევროკავშირის ქვეყანა ჩაერთვება, გარდა კვიპროსისა და ირლანდიისა, რომლებიც ძველ სისტემას შეინარჩუნებენ.
- ასევე, ახალ სისტემას შეუერთდებიან ისლანდია, ლიხტენშტეინი, ნორვეგია და შვეიცარია.
ეს ცვლილება მიზნად ისახავს საზღვრების უფრო ეფექტურ კონტროლს, რაც ხელს შეუშლის ვიზის დარღვევებს და არალეგალურ იმიგრაციას.
AprioriTV •აპრიორიტივი -ს სპონსორია ნუტრიციოლოგიის რეზიდენტი და ფიტნეს ინსტრუქტორი იტალიაში მამუკა რაშოიანი
საკონტაქტო ინფორმაცია WhatsApp +39 351 857 1719
