მილანი – ბოლო პერიოდში საგრძნობლად გაიზარდა შემთხვევები, როდესაც მოქალაქეები იღებენ SMS შეტყობინებებს ან ელ.ფოსტებს, თითქოსდა INPS-ის (იტალიის სოციალური დაცვის ეროვნული ინსტიტუტის) სახელით, თუმცა ეს ყველაფერი თაღლითობის მცდელობაა.
მილანში მცხოვრები ქართველი ემიგრანტი როზა ლიპარტელიანი თანამემამულეებს აფრთხილებს:
„თუ შეტყობინებაში გთხოვენ პერსონალურ მონაცემებს ან ანგარიშზე თანხის გადარიცხვას – ეს თაღლითობაა! INPS არასდროს ითხოვს მსგავსი სახის ინფორმაციას ელ.ფოსტით ან SMS-ით.“
🛑 ხშირად ასეთი შეტყობინებები მოდის დამახინჯებული მისამართებიდან — მაგ. insp.it, ipns.it, inpis.it და სხვა მსგავსი ვარიანტები, რაც მხოლოდ ერთი ასოთი განსხვავდება რეალური მისამართისგან.
‼️ ასეთ ბმულებზე არავითარ შემთხვევაში არ უნდა დააჭიროთ!
📌 ოფიციალური საიტი მხოლოდ და მხოლოდ www.inps.it
👉 გადადით მხოლოდ ამ ბმულზე, როცა გჭირდებათ ინფორმაციის გადამოწმება ან რომელიმე სერვისით სარგებლობა.
INPS-ის რეალური შეტყობინებები მხოლოდ შეფასების ან მომსახურების კმაყოფილების საკითხებს ეხება. სხვა ყველა შემთხვევა შესაძლოა თაღლითობის მცდელობა იყოს!
📣 AprioriTV უჭერს მხარს ემიგრანტების ინფორმირებულობას და მოუწოდებს საზოგადოებას, გაფრთხილდნენ ონლაინ საფრთხეებისგან და გადაამოწმონ ყველა საეჭვო შეტყობინება მხოლოდ ოფიციალურ წყაროებში.
აგრეთვე დაგაინტერესებთ:
📌 ❗შეიცვალა „ბადანტეს“ ლიკვიდაციის (TFR) აღების წესი — ახალი რეგულაცია ძალაშია
