ახლა, იტალიაში იმ არასრულწლოვან მიგრანტებს და მათ მშობლებს, რომლებიც სრულწლოვანების შემდეგ ბინადრობის ნებართვის ტიპის შეცვლას გეგმავენ განცხადების წარდგენა შეუძლიათ მხოლოდ ონლაინ – სპეციალურ სახელმწიფო პლატფორმაზე SIM.
ახალი წესი ძალაში 2025 წლის 8 ივლისს შევიდა.
რეგისტრაციისა და განაცხადის ბმული:
https://portaleservizi.dlci.interno.it/SIM
ვის ეხება?
მიმდინარე რეგულაცია შეეხება იმ არასრულწლოვან უცხოელებს, რომლებიც იტალიაში ლეგალურად იმყოფებიან, და სრულწლოვანების მიღწევის შემდეგ სურთ ბინადრობის ნებართვის საფუძვლის შეცვლა – მაგალითად, სწავლის ან ოჯახის გაერთიანების სტატუსიდან შრომით ან დამოუკიდებელ სტატუსზე გადასვლა.
რა შეიცვალა?
ადრე განაცხადის შეტანა ხდებოდა ფოსტით ან უშუალოდ კვესტურაში, ახლა კი პროცედურა სრულად ონლაინ რეჟიმშია ხელმისაწვდომი და ხდება მხოლოდ SIM პლატფორმის მეშვეობით. განაცხადის გასაგზავნად აუცილებელია სისტემაში პროფილის შექმნა და შესაბამისი დოკუმენტაციის ატვირთვა.
საჭირო დოკუმენტაცია:
– არასრულწლოვანზე გაცემული ბინადრობის ნებართვა
– ახალ ეტაპზე შესაბამისი დოკუმენტი (მაგ. შრომითი კონტრაქტი, სწავლის დამადასტურებელი დოკუმენტი და სხვა)
– პირადობის დამადასტურებელი დოკუმენტები
– საცხოვრებელი მისამართის მოწმობა
მნიშვნელოვანია:
AprioriTV გირჩევთ: დაიცვათ სიმტკიცე დოკუმენტაციების სიზუსტე. ნებისმიერ ხარვეზს შესაძლოა მოჰყვეს განაცხადის უარყოფა.
წყარო: Ministero dell’Interno – SIM, Sportello per l’Immigrazione Multicanale
