აშშ-ის ახლად არჩეულმა პრეზიდენტმა დონალდ ტრამპმა განაცხადა, რომ ქვეყნის საზღვრებზე პასუხისმგებელი ტომ ჰომანი იქნება. “საზღვრის მეფედ“ წოდებული ჰომანი მის ადმინისტრაციაში იმიგრაციისა და საბაჟო აღსრულების დირექტორის მოვალეობის შემსრულებლის პოსტს დაიკავებს.
- დეკემბერში ჰომანმა განაცხადა, რომ ჩიკაგო იქნება პირველი ქალაქი, რომელიც განდევნის არალეგალურ მიგრანტებს: ”ჩვენ ვაპირებთ ოპერაციების ჩატარებას მთელი ქვეყნის მასშტაბით,” – უთხრა მან Reuters.
რეიდი სავარაუდოდ დაიწყება სამშაბათს დილით, ტრამპის ინაუგურაციიდან 24 საათზე ნაკლებ დროში. ოპერაციას მთელი კვირის განმავლობაში გაგრძელდება და მასში მონაწილეობას 100-200 ოფიცერი მიიღებს. ჯერჯერობით, უცნობია, რამდენი ადამიანი იქნება სამიზნე.
ტრამპის არჩევამდე, ჯერ კიდევ ოქტომბერში CBS News-ის გადაცემა 60 Minutes-თან ინტერვიუში, ჰომანმა თქვა, რომ ის მიზნად ისახავდა ქვეყანაში არალეგალურად მყოფი კრიმინალური მიგრანტების დეპორტაციას. რადგან პირველი პრიორიტეტულია “საზოგადოებრივი და ეროვნული უსაფრთხოება“.
- პირველ რიგში გადამოწმდებიან ემიგრანტები, რომლებთან თავშესაფარი მოთხოვნილი არ აქვთ და აშშ-ში საბუთების გარეშე იმყოფებიან. ჰომანმა თქვა, რომ იმუშავებს თავშესაფრის მაძიებლების სტატუსის შემოწმებაზე და დააპატიმრებს ყველას, ვინც კრიმინალ მიგრანტებს იცავს. მან ასევე გაიმეორა, რომ არ არსებობს ოჯახების განცალკევების გეგმა.
”ჩვენ ზუსტად ვიცით, ვის დავაპატიმრებთ”, – თქვა მან.
“ვიცით სად ვიპოვოთ ისინი. ბევრი რამ ვიცით მათ შესახებ საგამოძიებო საქმის მასალების გამო. ასე რომ, ეს არ არის წმენდა, ეს ეს არის ძალიან მიზანმიმართული ოპერაცია.”
