INPS-მა 2026 წლის 16 ოქტომბერს გამოაქვეყნა ოფიციალური ინსტრუქცია „Nuovo Bonus Mamme 2026“-ზე: დახმარება თვეში 60 ევროა და მაქსიმუმ 12 თვისთვის, ანუ ჯამში 720 ევრომდე გაიცემა.
ბონუსი ეხება დასაქმებულ და თვითდასაქმებულ დედებს, რომელთა წლიური შრომითი შემოსავალი არ აღემატება 40 000 ევროს:
– ორი შვილის შემთხვევაში — უმცროსი შვილის 10 წლის შესრულებამდე;
– სამი ან მეტი შვილის შემთხვევაში — უმცროსის 18 წლის შესრულებამდე, დამატებითი პირობებით.
მნიშვნელოვანი გამონაკლისი: საოჯახო სფეროში დასაქმებულები — colf და badante — ამ კონკრეტულ ბონუსში არ შედიან.
ეს უკვე კანონით გათვალისწინებული და მოქმედი დახმარებაა, თუმცა განაცხადების მიღება ჯერ არ გახსნილა. INPS გახსნის ზუსტ თარიღს ცალკე შეტყობინებით გამოაცხადებს. განაცხადის შეტანა შესაძლებელი იქნება INPS-ის საიტზე SPID/CIE/CNS-ით, პატრონატში ან Contact Center-ის მეშვეობით.
ოფიციალური წყარო: INPS-ის ცირკულარი №106 — 16.10.2026
