ქალაქ ბარიში მოქმედი ქართულ-იტალიური საემიგრაციო ორგანიზაცია “ჯეო ჰაუსი” და იტალიის კვლევითი ცენტრი “დომინა” ერთობლივად ატარებენ სასწავლო-სასერთიფიკატო კურსებს იტალიაში საოჯახო სექტორში დასაქმებული პირებისთვის.
ეს კურსები მიზნად ისახავს საოჯახო მოხმარების სექტორში მომუშავე ადამიანების კვალიფიკაციის ამაღლებას, პროფესიონალიზმის გაღრმავებას და მათთვის უკეთესი შრომითი პირობების უზრუნველყოფას. პროგრამის ფარგლებში მონაწილეები გადიან სპეციალურ ტრენინგებს, რომელთა დასრულების შემდეგ მათ გადაეცემათ სერტიფიკატი, რომელიც აღიარებულია იტალიაში და ზრდის მათი შრომითი უფლებებისა და კარიერული განვითარების შესაძლებლობებს.
აღნიშნული ინიციატივა ხელს უწყობს შრომითი ბაზრის ლეგალიზაციას, პროფესიული სტანდარტების ამაღლებას და უკანონო დასაქმების წინააღმდეგ ბრძოლას.
