იტალიის საკონსტიტუციო სასამართლომ დაადასტურა, რომ მოქალაქეობის შესახებ რეფერენდუმის მოთხოვნა არის ერთგვაროვანი, ნათელი და ერთმნიშვნელოვანი.
ეს რეფერენდუმი მიზნად ისახავს იმ პირებისათვის, რომლებიც არ არიან ევროკავშირის ქვეყნების მოქალაქეები, მაგრამ ცხოვრობენ იტალიაში, მოქალაქეობის მიღების პროცესის გამარტივებას. კერძოდ, ცვლილება ეხება იტალიის მოქალაქეობის მისაღებად აუცილებელი ლეგალური რეზიდენტობის მინიმალურ ვადას, რომელიც შესაძლოა 10 წლიდან 5 წლამდე შემცირდეს.
სასამართლოს გადაწყვეტილებით, აღნიშნული ცვლილება შეესაბამება მოქმედ საკანონმდებლო კონტექსტს და არ ეწინააღმდეგება რეფერენდუმის მეშვეობით საკანონმდებლო ნორმების შეცვლის პრინციპს.
ამასთან, საკანონმდებლო ინიციატივა არ შეეხება სხვა მოთხოვნებს, რომლებიც მოქალაქეობის მიღების პროცესში მნიშვნელოვანია, მათ შორის – იტალიური ენის ცოდნასა და სხვა კრიტერიუმებს.
აღნიშნული გადაწყვეტილება განსაკუთრებით აქტუალურია იტალიაში მცხოვრები ემიგრანტებისთვის, რომელთათვისაც მოქალაქეობის მიღება ხშირად რთული და ხანგრძლივი პროცესი იყო.
თუ რეფერენდუმი წარმატებით განხორციელდა, ეს ცვლილება ბევრ ემიგრანტს მისცემს შესაძლებლობას, უფრო სწრაფად გახდნენ იტალიის მოქალაქეები.
