იტალიის ქალაქ მანდურიაში სუნამოების ერთ-ერთ მაღაზიაში ქურდობის მცდელობის ფაქტზე პოლიციამ საქართველოს ორი მოქალაქე დაადანაშაულა. შემთხვევა რამდენიმე დღის წინ მოხდა და გამოძიება მაღაზიის მფლობელის საჩივრის საფუძველზე დაიწყო.
როგორც ადგილობრივი მედია წერს, მაღაზიიდან სუნამოების გატაცების მცდელობის შემდეგ სამართალდამცველებმა დაათვალიერეს ვიდეოსათვალთვალო სისტემის ჩანაწერები და ამოიცნეს ორი პირი, რომლებიც მანამდე სხვა ეპიზოდთან დაკავშირებით უკვე იყვნენ იდენტიფიცირებული.
ორივე პირი ტარანტოშია რეგისტრირებული. პოლიციის ინფორმაციით, ისინი რამდენიმე დღით ადრე სხვა კომერციული ობიექტის მიმდებარედ საეჭვო ქცევით შეამჩნიეს. ეჭვის საფუძველზე სამართალდამცველებმა დაიწყეს ტერიტორიის მონიტორინგი.
რამდენიმე დღის შემდეგ ისინი კვლავ შენიშნეს სუნამოების სხვა მაღაზიის სიახლოვეს. პოლიციის ოპერატიული ჩარევის შედეგად მათი დაკავება მოხერხდა, მიუხედავად გაქცევის მცდელობისა.
შემდგომი შემოწმებისას დადგინდა, რომ ერთ-ერთს, რომელიც იტალიაში ერთ წელზე მეტია ცხოვრობს, არ ჰქონდა იტალიაში მოქმედი მართვის მოწმობა და გადაადგილდებოდა საკუთარი ქვეყნის დოკუმენტით, რომელიც იტალიაში იურიდიული ძალის მქონედ არ ითვლება. მეორე პირს კი, რომელსაც ქონებრივი დანაშაულის გამო წარსულში ნასამართლეობა ჰქონდა, არ გააჩნდა მოქმედი პირადობის დამადასტურებელი დოკუმენტი.
გამოძიება გრძელდება.
წყარო: lagazzettadelmezzogiorno.it
AprioriTV — ემიგრანტების ხმა იტალიაში.
📣 AprioriTV-ს გენერალური სპონსორია ტურისტული კომპანია Loro degli Argonauti.
✈️ ავიაბილეთების დასაჯავშნად დაუკავშირდით პროფესიონალ ოპერატორს
WhatsApp +39 377 373 0045 და მიიღეთ თქვენზე მორგებული მომსახურება.
