იტალიაში 2025 წლის შემოსავლების დეკლარირების პერიოდი იწყება. წელს Modello 730-ში შესული ცვლილებები პირდაპირ აისახება თქვენს ბიუჯეტზე: იცვლება საშემოსავლო გადასახადის (Irpef) განაკვეთები და წესები ოჯახის წევრების შენახვის შესახებ. ნახეთ, როგორ შეგიძლიათ დაიბრუნოთ დახარჯული თანხის ნაწილი.
იტალიის საგადასახადო სამსახურმა (Agenzia delle Entrate) უკვე გამოაქვეყნა 2026 წლის მოდელის წინასწარი ვერსია. მათთვის, ვინც ოფიციალურად არის დასაქმებული ან იღებს პენსიას იტალიაში, ეს არის შანსი, სახელმწიფოსგან დაიბრუნოს წლის განმავლობაში სამედიცინო თუ სხვა საჭიროებებზე დახარჯული თანხის ნაწილი.
მნიშვნელოვანი თარიღები
პირველ რიგში, დაიმახსოვრეთ ეს ორი თარიღი:
- 30 აპრილი: თქვენი წინასწარ შევსებული დეკლარაცია ხელმისაწვდომი იქნება საგადასახადო სამსახურის საიტზე.
- 30 სექტემბერი: დეკლარაციის წარდგენის ბოლო ვადაა.
რა იცვლება გადასახადებში (Irpef)?
წელს ძალაში რჩება სამი საგადასახადო საფეხური, თუმცა “საშუალო ფენისთვის” გადასახადი ოდნავ შემცირდა:
- 23% – მათთვის, ვისი წლიური შემოსავალიც 28 000 ევრომდეა.
- 33% – 28 001-დან 50 000 ევრომდე (ადრე ეს განაკვეთი უფრო მაღალი იყო).
- 43% – 50 000 ევროზე მეტი შემოსავლის შემთხვევაში.
შვილები და ოჯახის წევრები: როგორ მუშაობს შეღავათები?
ბევრ ემიგრანტს უჩნდება კითხვა: ვინ ითვლება “კმაყოფაზე მყოფ” (a carico) პირად?
- 24 წლამდე შვილები: თუ მათი წლიური შემოსავალი არ აღემატება 4 000 ევროს.
- 24 წელს ზემოთ შვილები და სხვა ნათესავები: თუ მათი შემოსავალი 2 840.51 ევროზე ნაკლებია.
მნიშვნელოვანია: 21 წლამდე შვილებზე ტრადიციული საგადასახადო შეღავათი აღარ მოქმედებს, რადგან ის ჩაანაცვლა “ერთიანი შემწეობის” (Assegno Unico) პროგრამამ. თუმცა, მათი მონაცემები მაინც უნდა შეიყვანოთ დეკლარაციაში, რათა დაიბრუნოთ მათ სწავლასა თუ მკურნალობაზე დახარჯული თანხა.
რა ხარჯების ნაწილის დაბრუნება შეგიძლიათ?
თქვენ შეგიძლიათ დაიბრუნოთ გაწეული ხარჯების 19%, მათ შორის:
- სამედიცინო ხარჯები და მედიკამენტები;
- ბინის ქირის ნაწილი (გარკვეულ შემთხვევებში);
- სკოლის, უნივერსიტეტის და ბაღის გადასახადი;
- საზოგადოებრივი ტრანსპორტის აბონემენტი;
- შვილების სპორტული წრეების ხარჯები (5-დან 18 წლამდე).
გახსოვდეთ: იმისათვის, რომ ეს ხარჯები ჩაგეთვალოთ, გადახდები უნდა იყოს შესრულებული საბანკო ბარათით ან გადარიცხვით (გარდა მედიკამენტებისა და სახელმწიფო კლინიკებში ვიზიტისა).
გჭირდებათ დახმარება დეკლარაციის შევსებაში? მიმართეთ უფლებამოსილ ცენტრებს (CAF) ან პროფესიონალ ბუღალტრებს.
AprioriTV – თქვენი მეგზური იტალიის კანონმდებლობაში.
დიასპორული მედია Apriori TV • აპრიორი ტვ-ს გენერალური სპონსორია ტურისტული კომპანია – “L’oro degli Argonauti”
ტურებისა და ავია ბილეთების დასაჯავშნად მოგვწერეთ:
ტურების დასაჯავშნად WhatsApp: +39 349 180 5032
ავიაბილეთების დასჯავშანად WhatsApp: +39 377 373 0045
