“ბადანტეებსა„ და „კოლფებს“ ხელფასი 100 ევროთ გაეზრდებათ 2025-2028 წწ

AprioriTV – ხათუნა შარაძე

იტალიაში 2025 წლის 28 ოქტომბერს გაფორმდა საოჯახო სექტორის ახალი კონტრაქტი (CCNL Lavoro domestico), რომელიც „კოლფებს“, „ბადანტეებს“ და „ბეიბისიტერებს“ (ძიძა) ეხება. შეთანხმება ძალაში შევა 2025 წლის 1 ნოემბერს და იმოქმედებს 2028 წლის ბოლომდე.

🔹 ხელფასების მატება – თვეში 100 ევრო

ახალი CCNL ითვალისწინებს მთლიანი 100 ევროიანი ზრდას, რომელიც ეტაპობრივად გადანაწილდება:

• 40 € – 2026 წლის 1 იანვრიდან
• 30 € – 2027 წლის 1 იანვრიდან
• 15 € – 2028 წლის 1 იანვრიდან
• 15 € – 2028 წლის 1 სექტემბრიდან

დამატებით, ხელფასები ყოველწლიურად მოერგება ინფლაციას ISTAT-ის მონაცემების მიხედვით.

🔹 ახალი უფლებები მუშაკებისთვის

კონტრაქტი პირველად აძლევს „კოლფებსა“ და „ბადანტეებს“ უფლებას, სამუშაოდან გარკვეული დროით გავიდნენ მნიშვნელოვანი საჭიროებების გამო — და ამ პერიოდში ხელფასი არ ექვეთებათ.

ეს უფლებები ეხება:

• სამედიცინო ვიზიტზე მისვლას
• პერმესოს განახლებას
• ოჯახთან გაერთიანების დოკუმენტებზე მუშაობას
• შშმ ნათესავის დახმარებას
• ორსულობასა და მშობლობასთან დაკავშირებულ საჭიროებებს

ანუ, თუ მაგალითად ბადანტეს ჭირდება პერმესოს განახლება ან აუცილებელი სამედიცინო ვიზიტი, იგი შეიძლება დროებით გავიდეს სამუშაოდან და ეს დრო ანაზღაურებადია, ხელფასი არ მოაკლდება.

🔹 ახალი დღესასწაული

CCNL-ის მიხედვით, 4 ოქტომბერი – წმინდა ფრანცისკ ასიზელის დღე – ოფიციალურ დღესასწაულად იქცა და სხვა „festività“-ების მსგავსად ანაზღაურებადია.

🔹 რა გავლენა ექნება ოჯახებს?

ექსპერტების შეფასებით:

• ბადანტეს ყოლა ოჯახს საშუალოდ 200–230 ევროთი მეტი დაუჯდება თვეში.

გრძელდება საგადასახადო შეღავათებიც:

• 1 549,37 ევროს წლიური დაქვითვა
• სოციალური შენატანების გარკვეული ნაწილი გამოქვითვადია

🔹 სექტორის გამოწვევები

საოჯახო სამსახურში შავი დასაქმება კვლავ მაღალია — დაახლოებით 50%. პროფკავშირები მოუწოდებენ სახელმწიფოს:

• მეტი მხარდაჭერის პროგრამებს
• შავი შრომის შემცირებას
• ინკლუზიური მიგრაციული პოლიტიკის განვითარებას