📢 AprioriTV წარმოგიდგენთ – რა არის 730 (Settetrenta)?
ეს არის შემოსავლების დეკლარაციის ფორმა, რომელსაც ავსებენ ფიზიკური პირები (დასაქმებულები და პენსიონერები) ყოველწლიურად. მისი საშუალებით სახელმწიფო ითვლის:
- რამდენი შემოსავალი გქონდათ გასულ წელს.
- სწორად გადაიხადეთ თუ არა გადასახადები (IRPEF).
- გეკუთვნით თუ არა სახელმწიფოსგან ზედმეტად გადახდილი თანხის უკან დაბრუნება (Rimborso).
რატომ არის ის მნიშვნელოვანი Colf/Badante-სთვის?
იტალიაში ოჯახში დასაქმებულთა სექტორი (Lavoro Domestico) განსხვავდება სხვა სექტორებისგან. დამსაქმებელი (ოჯახი) არ არის თქვენი საგადასახადო აგენტი, რაც ნიშნავს, რომ ის ხელფასიდან არ გიქვითავთ საშემოსავლო გადასახადს (IRPEF). თქვენ იღებთ “სუფთა” ხელფასს, მაგრამ ვალდებული ხართ, წლის ბოლოს თავად დაადეკლარიროთ შემოსავალი.
730-ის წარდგენა გჭირდებათ, თუ:
- თქვენი წლიური შემოსავალი აჭარბებს 8,174 ევროს, სადაც გადასახადს არ იხდით, თუმცა დეკლარაციის გაკეთება მაინც სასურველია სხვადასხვა ბონუსებისთვის).
- გსურთ დაიბრუნოთ სამედიცინო ხარჯების, წამლების ან ბინის ქირის ნაწილი.
- გსურთ მიიღოთ სახელმწიფო ბონუსები (მაგალითად, ყოფილი “Renzi” ბონუსი, რომელიც ახლა ხელფასის დანამატის სახით გაიცემა).
რა დოკუმენტებია საჭირო 730-ის შესავსებად?
იმისათვის, რომ მაის-ივნისის პერიოდში (როცა დეკლარაციების სეზონია) მოწესრიგებული იყოთ, უნდა შეაგროვოთ:
- CU (Certificazione Unica): ეს არის ფურცელი, რომელსაც დამსაქმებელი გაძლევთ წლის დასაწყისში (ჩვეულებრივ მარტამდე). მასში წერია თქვენი წლის განმავლობაში მიღებული მთლიანი ხელფასი.
- Codice Fiscale: თქვენი და ოჯახის წევრების (თუ ისინი თქვენს კმაყოფაზე არიან).
- სამედიცინო ჩეკები (Scontrini parlanti): აფთიაქის ჩეკები, სადაც თქვენი ფისკალური კოდია მითითებული.
- ბინის ქირის ხელშეკრულება: თუ ბინას ქირაობთ, შეგიძლიათ გადასახადების შეღავათი მიიღოთ.
რა უნდა იცოდეს ქართველმა ემიგრანტმა?
- ვალდებულება: თუ თქვენი შემოსავალი მაღალია და 730-ს არ წარადგენთ, სახელმწიფომ შეიძლება დაგაჯარიმოთ და მოგთხოვოთ გადასახადების დაფარვა წლების შემდეგ, პროცენტებთან ერთად.
- სად კეთდება? 730-ის შესავსებად უნდა მიმართოთ CAF-ს (Centro di Assistenza Fiscale) ან Patronato-ს.
- ბინადრობის ნებართვა (Permesso di Soggiorno): 730-ის დეკლარაცია არის საუკეთესო საბუთი იმის დასამტკიცებლად, რომ გაქვთ ლეგალური შემოსავალი, რაც აუცილებელია პერმისოს გაგრძელებისას.
მნიშვნელოვანია: ბევრი ბადანტე ფიქრობს, რომ რადგან ოჯახი “ბოლეტებს” (ხელფასის ფურცლებს) აძლევს, გადასახადები გადახდილია. ეს ასე არ არის. ოჯახი იხდის მხოლოდ თქვენს დაზღვევას (INPS), ხოლო საშემოსავლო გადასახადი (730-ით) თქვენი პასუხისმგებლობაა.
დიასპორული მედია Apriori TV • აპრიორი ტვ-ს გენერალური სპონსორია ტურისტული კომპანია – “L’oro degli Argonauti”
ტურებისა და ავია ბილეთების დასაჯავშნად მოგვწერეთ:
ტურების დასაჯავშნად WhatsApp: +39 349 180 5032
ავიაბილეთების ჯავშანი WhatsApp: +39 377 373 0045
