იანვრის ბოლო დღეებში იტალიას ძლიერი ატლანტიკური ციკლონები დაარტყამს. სინოპტიკოსების ინფორმაციით, მოსალოდნელია ხანგრძლივი წვიმები, ძლიერი ქარი და თოვლი მთიან რეგიონებში.
ყველაზე მძიმე დღეებად 27 და 28 იანვარი სახელდება — განსაკუთრებით ჩრდილოეთ და ცენტრალურ იტალიაში. მოსალოდნელია ინტენსიური ნალექები, ადგილობრივად ჭექა-ქუხილი და ქარიშხლისმაგვარი ქარი ტირენულ და იონიურ სანაპიროებზე.
ალპებში თოვლი შესაძლოა 900 მეტრზეც ქვემოთ ჩამოვიდეს, აპენინებზე კი საშუალო სიმაღლეებზე.
ხუთშაბათიდან ამინდი ოდნავ დამშვიდდება, თუმცა სრულად არ გაუმჯობესდება. პარასკევს წვიმები ძირითადად ცენტრალურ და სამხრეთ რეგიონებში გაგრძელდება.
შაბათ-კვირას კი მოსალოდნელია ახალი ძლიერი ციკლონი, რომელიც ისევ ცენტრალურ და სამხრეთ იტალიას შეეხება.
ემიგრანტებო, გადაადგილებისას იყავით ფრთხილად, განსაკუთრებით ავტომობილით მგზავრობისას და ყურადღებით ადევნეთ თვალი ამინდის ოფიციალურ გაფრთხილებებს.
📌 AprioriTV — ემიგრანტის სანდო საინფორმაციო წყარო იტალიაში
🌐 aprioritv.com
#იტალია #ამინდი #უამინდობა #ციკლონი #ემიგრანტები #AprioriTV
