იტალია / AprioriTV
ტრაგიკული შემთხვევა მოხდა დღეს, სამშაბათს, 28 ოქტომბერს, ქალაქ ფენეგროში, აპიანო ჯენტილესთან (კომოს პროვინცია) – იმ ადგილთან, სადაც „ინტერის“ საწვრთნელი ცენტრი მდებარეობს. „ინტერის“ მეორე მეკარე, ხოსეპ მარტინესი, თავისი ავტომობილით შეეჯახა ეტლით მოძრავ 81 წლის მამაკაცს. დაჯახება იმდენად ძლიერი იყო, რომ მამაკაცი ადგილზე გარდაიცვალა. შემთხვევის შემდეგ გაუქმდა გუნდის მთავარი მწრთვნელის, კრისტიან კივუს, პრესკონფერენცია.
ლომბარდიის სასწრაფო დახმარების რეგიონული სააგენტოს (AREU) ცნობით, ინციდენტი მოხდა დილით, დაახლოებით 10:00 საათზე. ადგილზე 9:43-ზე მივიდა სასწრაფო დახმარება და საჰაერო გადამყვანი ვერტმფრენი, როგორც „წითელი კოდის“ (მძიმე შემთხვევის) გამოძახებაზე. შემთხვევის ადგილზე მივიდნენ კომოს კარაბინიერებიც.
წინასწარი ინფორმაციით, ავარია მოხდა ვია ბერგამოზე, მარტინესის მანქანა ელექტრო ეტლით მოძრავ მამაკაცს (AREU-ს ცნობით – „ოთხბორბლიანი მოტორიანი ეტლი“) დაეჯახა. სამედიცინო ჯგუფის მცდელობის მიუხედავად, 81 წლის მამაკაცის სიცოცხლის გადარჩენა ვერ მოხერხდა.
ამ ეტაპზე სამართალდამცავები იძიებენ შემთხვევის ზუსტ მიზეზებსა და პასუხისმგებლობის საკითხს.
წყარო: InMeteo.net, Cronaca – 28 ottobre 2025
#AprioriTV#იტალია#კომო#ინტერი#JosepMartinez#ავარია#ტრაგედია#იტალიურისახლაყველდღე#ემიგრანტებისინფორმაცია#იტალიისამბები
