რა უფლებები აქვს უცხოელს იტალიაში, ბინადრობის ნებართვის დოკუმენტის გაცემის, განახლების ან კონვერტაციის მოლოდინში?

პასუხები ყველაზე ხშირად დასმულ კითხვებზე

იტალიის საიმიგრაციო კანონის მე-5-ე პუნქტის, მე-9-ე კანონის (საკანონმდებლო დადგენილება No. 286/98), დადგენილი მოთხოვნების არსებობის შემთხვევაში ბინადრობის ნებართვა უნდა გაიცეს, განახლდეს ან გადაკეთდეს განცხადების წარდგენიდან სამოცი დღის ვადაში.

შესაძლებელია თუ არა სამუშაოს შესრულება (კონტრაქტის დადება) ბინადრობის ნებართვის გაცემის, განახლების ან გადაკეთების მოლოდინში?

– დიახ, საემიგრაციო კანონის მე-5-ე პუნქტი კანონი 9 პირდაპირ ითვალისწინებს სამუშაოს დროებით განხორციელების შესაძლებლობას ბინადრობის ნებართვის გაცემის ან დოკუმენტის განახლების მოლოდინში.
ბინადრობის ნებართვის გაცემის ან განახლების მოთხოვნის შემთხვევაში, ადმინისტრაციის მიერ პროცედურების დასასრულებლად საჭირო მთელი პერიოდის განმავლობაში, უცხოელს შეუძლია დაეყრდნოს ბინადრობის სრულ ლეგიტიმურობას და განახორციელოს სამუშაო საქმიანობა.

სამუშაო აქტივობა შეიძლება ლეგიტიმურად განხორციელდეს იმ პირობით, რომ ნებართვის გაცემის ან განახლების მოთხოვნის წარდგენის დამადასტურებელი კონკრეტული ქვითარი ე.წ. „რიჩევუტა“ გაცემულია პოლიციის შტაბის საიმიგრაციო ოფისის ან საფოსტო სამსახურის მიერ.

ბინადრობის ნებართვის გაცემის ან განახლების მოთხოვნაზე უარის თქმის შემთხვევაში, დაუყოვნებლივ წყდება სამუშაო კონტრაქტი.

შეუძლიათ თუ არა საერთაშორისო დაცვის აპლიკანტებს იმუშაონ თავშესაფრის განაცხადის შესახებ გადაწყვეტილების მოლოდინში?

– დიახ, თავშესაფრის მოთხოვნის ბინადრობის ნებართვა საშუალებას გაძლევთ განახორციელოთ სამუშაო საქმიანობა განცხადების წარდგენიდან სამოცი დღის შემდეგ, თუ განაცხადის განხილვის პროცედურა არ არის დასრულებული და შეფერხება არ შეიძლება გამოწვეული იყოს განმცხადებლების მიერ. საერთაშორისო დაცვის აღიარების შესახებ განცხადების წარდგენის ქვითარი წარმოადგენს დროებით ბინადრობის ნებართვას.

ბინადრობის ნებართვის გაცემის მოლოდინში შესაძლებელია თუ არა რეგისტრაცია იტალიის მუნიციპალიტეტში?

– რეგისტრაცია არის მნიშვნელოვანი ფუნდამენტური და სამოქალაქო უფლებების განხორციელების წინაპირობა, როგორიცაა: სოციალურ დახმარებაზე წვდომა, რეგისტრაცია SSN-ში ლეგალურად რეზიდენტი უცხოელებისთვის, პირადობის მოწმობის, იგივე “Carta di Identità“და რეესტრის მოწმობების გაცემა, იტალიის მართვის მოწმობის მოთხოვნა ან უცხოური მართვის მოწმობის კონვერტაცია შინაგან საქმეთა სამინისტროს 2007 წლის ცირკულარის მიხედვით უცხო ქვეყნის მოქალაქეს, რომელიც პირველად შემოვიდა იტალიაში სამუშაო მიზეზების გამო, შეუძლია ბინადრობის ნებართვის გაცემის მოლოდინში მოითხოვოს რეესტრის რეგისტრაცია.

თავშესაფრის მოთხოვნით ბინადრობის ნებართვის გაცემის მოლოდინში, შესაძლებელია თუ არა რეგისტრაცია?

– საერთაშორისო დაცვის შესახებ განაცხადის ფორმალიზების შემდეგ თავშესაფრის მაძიებელს ეძლევა ნომინალური მოწმობა, რომელიც წარმოადგენს მის მფლობელობაში არსებულ პირველ ბინადრობის ნებართვას. საერთაშორისო დაცვის მოთხოვნის წარდგენის დამადასტურებელი ქვითარი, რომელიც გაცემულია განაცხადის რეგისტრაციასთან ერთად, 2008 წლის 28 იანვრის ნ. 25, ხოლო შემდგომი ცვლილებები წარმოადგენს დროებით ბინადრობის ნებართვას“ (მუხ. 4, ც. 3, საკანონმდებლო დადგენილება 142/15). ნომინალური მოწმობა არის დროებითი ბინადრობის ნებართვა, წარმოადგენს პირადობის დამადასტურებელ დოკუმენტს და არ აქვს ვადის გასვლის თარიღი.

შესაძლებელია თუ არა სამშობლოში დაბრუნება ბინადრობის ნებართვის გაცემის ან განახლებისას? და ევროკავშირის სხვა ქვეყანაში გამგზავრება?

– მიუხედავად იმისა, რომ მათ, ვისაც აქვს მოქმედი ბინადრობის ნებართვა, შეუძლიათ თავისუფლად გადაადგილდნენ შენგენის ზონაში, ასევე წავიდნენ თავიანთ წარმოშობის ქვეყანაში და დაბრუნდნენ იტალიაში ფორმალობების გარეშე. ხოლო ისინი, ვინც ელოდება ბინადრობის ნებართვის გაცემას ან განახლებას, შეუძლიათ თავიანთ ქვეყანაში დაბრუნდნენ ტრანზიტის ანუ მესამე ქვეყნის გავლის გარეშე (მხოლოდ იტალია-საქართველო) . პირმა თან უნდა იქონიოს პასპორტი, ვადაგასული ბინადრობის მოწმობა და საფოსტო ქვითარი (რიჩევუტა) ნებართვის გაცემის ან განახლების მოთხოვნის დემონსტრირებისთვის.

თუმცა, ბინადრობის ნებართვის განახლებამდე, შენგენის ზონის ქვეყნებში რაიმე მიზეზით, გარდა კონკრეტული ავტორიზაციისა, შეუძლებელია გამგზავრება. აუცილებლობისა და გადაუდებლობის შემთხვევაში პოლიციის კომპეტენტურ შტაბს შეუძლია გასცეს ქაღალდის ბინადრობის მოწმობა – ვადაგასული ნებართვის განახლებასთან დაკავშირებული პროცედურის დასრულებამდეც კი – უცხო ქვეყნის მოქალაქეს მიმოსვლის უფლება ე.წ. შენგენის ზონა.

თუ თქვენ ელოდებით ბინადრობის ნებართვის განახლებას, შესაძლებელია თუ არა მიიღოთ უმუშევრობის შეღავათები ან სხვა ეკონომიკური შეღავათები თქვენი შემოსავლის მხარდასაჭერად, რომელიც უზრუნველყოფილია INPS-ის მიერ?

– დიახ, უცხო ქვეყნის მოქალაქეებსაც კი, რომლებიც ელოდებიან ბინადრობის ნებართვის განახლებას, უფლება აქვთ მიიღონ INPS-ის მიერ განსაზღვრული სხვადასხვა სახის ეკონომიკური შეღავათები. როგორიცაა მაგალითად Naspi და Dis-Coll უმუშევრობის შეღავათები ან საბავშვო ბაღის ბონუსი. გადაწყვეტილება დაადასტურა INPS-მა 2024 წლის 22 აპრილის №1589 შეტყობინებაში, რომელიც შინაგან საქმეთა სამინისტროს 2006 წლის 5 აგვისტოს დირექტივას ეყრდნობა, რომელიც ეხება უცხოელების უფლებებს მათი ბინადრობის ნებართვის განახლებამდე. ამ დირექტივაში მითითებულია, რომ „ბინადრის ნებართვის განახლების პროცედურის დასრულების ოცდღიანი ვადის შეუსრულებლობა გავლენას არ მოახდენს სრულ ლეგიტიმურობაზე და მასთან დაკავშირებული უფლებებით სარგებლობაზე.

წყარო: integrazionemigranti.gov.it