BREAKING

ინტერვიუ

„მაკოს ჩანთები“ – როგორ გადაიქცა მცირე იდეა დიდ წარმატებად

მაკო მანჩხაშვილი – 38 წლის წარმატებული ბიზნესლედი, რომელმაც საკუთარი საქმე ნულიდან დაიწყო და დღეს „მაკოს ჩანთები“ ერთ-ერთი ცნობილი მაღაზიაა ქართულ ბაზარზე. სამი წლის წინ, მცირე კაპიტალით დაწყებულმა ბიზნესმა მალევე მოიპოვა პოპულარობა, მომხმარებლების სიყვარული და ნდობა. მაკოს შრომისა და თავდაუზოგავობის წყალობით, წარმატებამაც არ დააყოვნა. მისი ჩანთები არა მხოლოდ ხარისხით, არამედ უნიკალური დიზაინითაც გამოირჩევა. ოჯახისა და ბიზნესის მართვის ბალანსი მისთვის მთავარი გამოწვევაა, თუმცა, მოტივაცია, თავდადება და მომხმარებლის კმაყოფილება მუდმივად წინსვლისკენ უბიძგებს.

როგორ შეიცვალა თქვენი ცხოვრება „მაკოს ჩანთების“ შექმნის შემდეგ?

„მაკოს ჩანთების“ შექმნის შემდეგ ჩემი ცხოვრება რადიკალურად შეიცვალა. თავიდან ეს იყო მხოლოდ იდეა, რომელსაც დიდი შრომა და თავდადება დასჭირდა, რომ რეალობად ქცეულიყო. დღეს ჩემი ბიზნესი არა მხოლოდ შემოსავლის წყაროა, არამედ ჩემი ცხოვრების განუყოფელი ნაწილი. მასთან ერთად მოვიდა უამრავი ახალი ნაცნობობა, მომხმარებლების სიყვარული და ის უდიდესი პასუხისმგებლობა, რაც ხარისხიანი პროდუქტის შექმნასა და კმაყოფილი კლიენტების შენარჩუნებას უკავშირდება.

რა იყო ყველაზე ემოციური მომენტი თქვენი ბიზნესის გზაზე?

ერთ-ერთი ყველაზე ემოციური მომენტი იყო, როდესაც ჩემი პირველი კლიენტი დაბრუნდა და მითხრა, რომ ჩანთა, რომელიც ჩემგან იყიდა, მისთვის განსაკუთრებული და საყვარელი ნივთი გახდა. ასევე, ყოველთვის ემოციურია, როდესაც ვხედავ, რომ ადამიანები ირჩევენ ჩემს პროდუქტს, მენდობიან და მომწერენ თბილ სიტყვებს. ეს ის მომენტებია, რომლებიც მაძლიერებს და უფრო მეტის გაკეთების სურვილს მიჩენს.

როგორ შეათავსეთ დედობა და ბიზნესის მართვა?

დედობა და ბიზნესის მართვა არცთუ ისე მარტივი გამოწვევაა, მაგრამ სწორი დროის განაწილებით და ძლიერი მოტივაციით ეს შესაძლებელია. ჩემი შვილები ჩემი ყველაზე დიდი საყრდენები არიან. ვცდილობ, დრო ისე გავანაწილო, რომ არც ოჯახი დარჩეს უყურადღებოდ და არც ჩემი საქმე. ზოგჯერ რთულია, მაგრამ როდესაც იცი, რომ ამით უკეთეს მომავალს ქმნი საკუთარი ოჯახისთვის, ყველაფერი ღირს.

როგორია თქვენი ყოველდღიური სამუშაო პროცესი?

ჩემი სამუშაო დღე საკმაოდ დინამიკურია. დილიდანვე ვიწყებ შეკვეთების ორგანიზებას, ვაკონტროლებ მასალებს, ვზრუნავ ახალ დიზაინებზე და ვპასუხობ მომხმარებლების კითხვებს. დღის განმავლობაში ხშირად მიწევს კომუნიკაცია როგორც მომწოდებლებთან, ასევე ჩემს კლიენტებთან. ასევე, აქტიურად ვმუშაობ სოციალურ ქსელებში, რადგან ჩემი პროდუქცია ძირითადად ონლაინ იყიდება და მჭირდებოდე მუდმივი ჩართულობა.

როგორია თქვენი პროდუქციის უნიკალურობა და რა განასხვავებს „მაკოს ჩანთებს“ ბაზარზე არსებული სხვა ბრენდებისგან?

„მაკოს ჩანთები“ გამოირჩევა ხარისხით, ხელნაკეთი დეტალებით და განსაკუთრებული დიზაინით. ვცდილობ, რომ თითოეული ჩანთა იყოს არა მხოლოდ ფუნქციური, არამედ უნიკალური, რადგან ჩემთვის მნიშვნელოვანია, რომ მომხმარებელს ჰქონდეს ისეთი პროდუქტი, რომელიც მის პიროვნულ სტილს უსვამს ხაზს. გარდა ამისა, მომხმარებელთან ახლო კომუნიკაცია და მათი სურვილების გათვალისწინება ჩვენს ჩანთებს კიდევ უფრო გამორჩეულს ხდის.

რა გაძლევთ მოტივაციას, რომ ყოველდღიურად წინ იაროთ?

ჩემი მთავარი მოტივაცია არის ჩემი ოჯახი, ჩემი შვილები და ის ადამიანები, ვინც მხარს მიჭერს. ასევე, უზარმაზარ სტიმულს მაძლევს ჩემი კლიენტების დადებითი გამოხმაურებები – როცა ვხედავ, რომ ჩემს ჩანთებს სიყვარულით ატარებენ, ეს მაძლევს ძალას, გავაგრძელო ზრდა და განვითარება. ახალი იდეები, გამოწვევები და მიზნები ყოველდღე მაძლევენ მოტივაციას, რომ წინ წავიდე და უკეთესი გავხდე.

“მაკოს ჩანტები“ მდებარეობს ვარკეთილში, ჯავახეთის 35 ნომერში

Leave A Reply

თქვენი ელფოსტის მისამართი გამოქვეყნებული არ იყო. აუცილებელი ველები მონიშნულია *

Related Posts