2025 წლის მაისში, ევროკომისიამ წარმოადგინა მნიშვნელოვანი რეფორმა, რომელიც ეხება თავშესაფრის პოლიტიკას და „უსაფრთხო მესამე ქვეყნის“ განსაზღვრების კრიტერიუმებს. ცვლილებები მიზნად ისახავს თავშესაფრის პროცესების გაძლიერებასა და დაჩქარებას.
რა იცვლება?
მანამდე “უსაფრთხო მესამე ქვეყნების” ცნებამ კონკრეტული წევრი ქვეყნების დონეზე იმოქმედა. ახლა კი ევროკომისია ცდილობს, ერთიანი და საერთო ევროპული მიდგომა დაამკვიდროს.
ახალი წინადადება ითვალისწინებს:
- ევროკავშირის საერთო სიის შექმნას “უსაფრთხო მესამე ქვეყნების” შესახებ;
- წევრი სახელმწიფოების ვალდებულებას, თავშესაფრის მომთხოვნთა საქმის განხილვა დაასრულონ 12 კვირაში;
- დაჩქარებული პროცედურების უფრო ფართოდ გამოყენებას, განსაკუთრებით არაპირდაპირი ჩამოსვლების შემთხვევაში;
- თავშესაფრის მოთხოვნის დაკმაყოფილების უარყოფას, როცა პირი სხვა “უსაფრთხო” ქვეყანაში უკვე იმყოფებოდა ან შეეძლო იქ ეცხოვრა.
რა კრიტერიუმები განისაზღვრება “უსაფრთხო მესამე ქვეყნის” სტატუსისთვის?
- უნდა იყოს უზრუნველყოფილი ადამიანის უფლებების დაცვა;
- არ უნდა არსებობდეს რისკი დევნის ან წამების მიმართ;
- შესაძლებელი უნდა იყოს თავშესაფრის მოთხოვნის წარდგენა და სამართლიანი განხილვა.
ევროკომისიის ვიცე-პრეზიდენტის, მარგარიტის სინას განცხადება:
“ჩვენ გვჭირდება უფრო ეფექტური, ერთიანი და დაბალანსებული თავშესაფრის სისტემა. ეს ცვლილებები სწორედ ამ მიზნისკენ გადადგმული ნაბიჯია.”
რას ნიშნავს ეს ცვლილება ემიგრანტებისთვის?
ეს რეფორმა განსაკუთრებით ეხება იმ მოქალაქეებს, ვინც ევროკავშირში მოხვედრამდე უკვე იმყოფებოდა სხვა „უსაფრთხო ქვეყანაში“. მათ განაცხადებს მომავალში ნაკლები პრიორიტეტი მიენიჭებათ ან საერთოდ არ განიხილება, რაც პრაქტიკაში თავშესაფრის მიღების შანსებს ამცირებს.
წყარო: Stranieri in Italia – ოფიციალური სტატია
AprioriTV-ის მკითხველისთვის: ეს ცვლილება მნიშვნელოვანია, განსაკუთრებით იმ ემიგრანტებისთვის, ვინც გეგმავს თავშესაფრის მოთხოვნას ევროკავშირში. გირჩევთ, ყურადღებით აკონტროლოთ სტატუსი, სად იმყოფებით მოგზაურობისას და რა ქვეყნებში შეგიძლიათ განაცხადის გაკეთება, რათა თავიდან აიცილოთ უარი პროცედურული საფუძვლით.
