ქართული საემიგრაციო მედია AprioriTV გაწვდით ინფორმაციას პროფესიული გადამზადების კურსების შესახებ. სოციალური კოოპერატივი QUASAR და ასოციაცია SOFOCLE, პულიას (Puglia) რეგიონის აღიარებით, აცხადებენ მიღებას OSS (Operatore Socio Sanitario) – სოციალურ-სანიტარიული ოპერატორის მოსამზადებელ კურსებზე.
პროგრამა ხორციელდება ადგილობრივ ჯანდაცვის სამსახურთან (ASL) და სექტორის წამყვან კერძო ოპერატორებთან პარტნიორობით, რაც სწავლების მაღალ ხარისხს უზრუნველყოფს.
📋 ძირითადი მოთხოვნები კანდიდატებისთვის:
🇮🇹 იტალიაში ლეგალურად ცხოვრების დოკუმენტი!
ასაკი: მინიმუმ 18 წელი რეგისტრაციის მომენტისთვის.
განათლება: პირველი ციკლის განათლების დიპლომი (საშუალო განათლება).
უცხოური დიპლომის შემთხვევაში: აუცილებელია წარმოადგინოთ Dichiarazione di Valore (აღიარების დეკლარაცია) ან სხვა ეკვივალენტური დოკუმენტი, რომელიც ადასტურებს თქვენი განათლების დონეს.
ენის ცოდნა: იტალიური ენის ფლობა (წერითი და ზეპირი) მინიმუმ B1 დონეზე (საჭიროა შესაბამისი სერტიფიკატი).
🎓 რას მოგცემთ კურსის დასრულება?
კურსის წარმატებით გავლის შემთხვევაში გაიცემა პულიას რეგიონის მიერ აღიარებული პროფესიული კვალიფიკაცია, რაც იტალიის მასშტაბით სახელმწიფო თუ კერძო სამედიცინო და სოციალურ დაწესებულებებში დასაქმების წინაპირობაა.
კურსი არის ფასიანი, თუმცა მსმენელთა ხელშეწყობის მიზნით, მოქმედებს მოქნილი გადახდის სისტემა: სწავლის საფასურის გადახდა შესაძლებელია ეტაპობრივად (განვადებით), უშუალოდ სასწავლო პროცესის მიმდინარეობისას.
📧 საკონტაქტო ინფორმაცია:
დეტალური კითხვებისა და რეგისტრაციისთვის შეგიძლიათ დაუკავშირდეთ კურსების კოორდინატორს:
- Luigina Urso
- ელ-ფოსტა:
luiginaurso@quasarformazione.eu
AprioriTV-ს შენიშვნა: თუ გეგმავთ სამედიცინო სფეროში მუშაობას, ეს კურსი ერთ-ერთი ყველაზე მოთხოვნადი გზაა იტალიურ შრომით ბაზარზე სტაბილური ადგილის დასამკვიდრებლად.